DE GÜELTA A ASTURIES
de Bernardo Guardado Rodríguez
Güelvo a tos
llares, Asturies,
respigadín y
encoyíu,
dispués d’andar por el mundu
pasau más de
mediu siglu,
por caminos empinaos
au nada me
foi precipiciu,
pos hasta lês mesmes flores
que s’alcontraben comigu
pa que yo non les tocase
golvín les fueyes
espinos.
Traigu’l alma llén de pena
y el cuerpo xelau
de fríu.
güelvu co la idea
puesta
d’acabar co lo sofríu
añeradín a al
atechu
del callor del to
cariñu.
Vengu a fundir en to ser,
Asturias, tou’l ser míu.
Quieru ser xana en tos fontes,
quieru ser ñiebla en tos riscos,
ser vianda verde en tos praos
y agua serena en tos ríos.
Ser pegollu en tos paneres
y llamuerga en
tos caminos;
fuelle y roncón
en tos gaites,
piña y corteza en
tos pinos.
Ser sidra nos tos llagares
y en tos panoyes
maizu.
Llagrinina en to
dollor
y risa en to regocixu.
Quieru ser isa alboriada,
afalagu del oyíu,
qu’enterpreten
nadie sabe
porque manes dirixíos,
los ñarbatos nos lloreos,
ente la herba los grillos;
los gallos e nes
quintanes,
el viento sobre’l vericiu;
y les agües nel
regatu
cuando van camín del ríu.
Quieru golver a
sentame
n’antoxana a char
un pitu,
oyendo al carru
cuntar,
berrando po los
caminos,
les histories
deprendíes
nel rodar de munchos siglos.
Quiero volver a falar
Na fala que siendo críu
Tornaba la vaca’n prau
Y rezaba’l catecismo
Averau xuntu a
mio güela
Al par del llar encendíu.
Quieru correr tos caleyes
y entrar en tos caseríos.
Chame nes tos pomares,
retoños del
Paraisu,
au ya non son les
manzanes
frutu d’amor prohibíu,
si non presencia perpetua
del to ser en el pricipiu.
Cuando non yeres si non
monte, campu, mar y ríu;
fontanes,
ñieblina, arumes
y lloreos
florecíos.
Tal como asperu alcontrate
al volver a ti, vencíu.
Como aspero que me cueyas
cuando en tos
brazos, rendíu,
ciarrandu fuerte
los güeyos
quede para siempre durmíu.
Você precisa fazer login para comentar.